منوعات وفنون

سبب ارتداء زينب الحجاب وقرار هام عن طفلتهما

سبب ارتداء زينب الحجاب وقرار هام عن طفلتهما

قام اليوتيوبر أحمد حسن وزوجته زينب قبل قليل بنشر فيديو عبر حسابهما على «فيسبوك» يتحدثان فيه لأول مرة عن قرار ارتداء زينب للحجاب، وبعض القرارت التي قررا اتخذها خلال الفترة المقبلة، بعد الإفراج عنهما بضمان مالي قدره 40 ألف جنيه في تهمتي استغلال طفلتها وتعرضيها للخطر.

وهنأ أحمد زوجته في بداية الفيديو على هذه الخطوة، وقال: «زينب خلاص لبست الحجاب رسميًا وأنا أول واحد حابب أقولها مبروك، وإن شاء الله ربنا يثبتك على الحجاب وتفضلي لبساه طول العمر إن شاء الله».

 

سبب ارتداء زينب الحجاب وقرار هام عن طفلتهما

أحمد حسن و زوجته زينب 

 

وتابع: «حابب أقولك حاجة والله كنت زي القمر وبعد الحجاب بقيتي قمرين».

وعن الحجاب، قالت زينب: «بقالي فترة طويلة بفكر في الحجاب، وزاد الموضوع في رمضان اللي فات، وقعدت أفكر واستخرت ربنا، وبعدين خدت القرار، لأني طول الفترة اللي فاتت كنت حاسة إني مش مرتاحة ودائما قلقانة، وكنت خايفة أموت وأنا بشعري، لكن دلوقتي مرتاحة وناوية مقلعوش تاني أدبًا وربنا يثبتني».

وتابعت: «خلوا بالكم العمر مش مضمون وإن شاء الله ربنا يكرمكم إنتو كمان، أنا مش شيخة ولكن بحاول أحسن من نفسي للطريق الصح، وبفكر في الخمار كمان بعد شوية».

وأضافت: «الحجاب مش اختيار ولكن ده فرض، ومش معنى كده بقولكم روحوا البسوه لأن الواحدة لو مش مقتنعة بده يبقى غلط».

وتحدث زوجها أحمد عن ذلك، قائلًا: «عمري ما فرضت عليها الحجاب ولازم يكون في تفاهم بين أي اتنين على الخطوة دي، ولما كانت مترددة قولتلها أنا مش هغصبك على حاجة ولازم تكوني مقتنعة بالخطوة دي».

وعادت «زينب» لتتحدث مرة أخرى، وقالت: «أنا مالبستش الحجاب عشان أرضِ أهلى أو أي حد ولكني لبسته عشان خاطر ربنا بس».

وفي سياق متصل، أشار أحمد حسن، إلى أنه أتخذ عدة قرارات بخصوص طريقة ظهورهما الفترة القادمة، أبرزها عدم ظهور ابنتهما «أيلين» معهما مرة أخرى في أي فيديو أو أستوري، أو أي شيء يخص عملهما على السوشيال ميديا، وقال: «الفترة الجاية هتشوفوا أحمد وزينب ناس تانية خالص، وهنحاول نسعدكم ونقدم حاجات ترفيهية تحبوها، وخلونا نفتح صفحة جديدة، وهتلاحظوا تغيير كبير الفترة الجاية في كل الفيديوهات اللي هنزلها».

وتابع: «كمان الفترة الجاية مش هتشوفوا معانا أيلين تاني أبدًا، وبعتذر لده لكن الموضوع مش بأدينا، عشان محدش يسأل عن ده تاني الفترة الجاية».

ويشهد هذا الفيديو الظهور الأول لـ أحمد حسن وزوجته زينب، بعد ارتدائها الحجاب، والإفراج عنهما مؤخرًا.

وفي 17 سبتمبر، أمرت النيابة العامة بحبس المتهمين أحمد حسن وزينب والدى الطفلة «إيلين» احتياطيا لاتهامهما باستغلالها اقتصاديًّا وتعريضها للخطر.

أقرأ أيضا:

السكة الحديد: 25% من ركاب القطارات يتهربون من دفع الأجرة

وكانت «وحدة الرصد والتحليل بإدارة البيان بمكتب النائب العام» قد رصدت مطالبات عدة بمواقع التواصل الاجتماعى بالتحقيق مع والدَى الطفلة إيلين المدعوين أحمد وزينب؛ لاستغلالهما الطفلة في تحقيق ربح مادى، بترويج مقطع مصوَّر تضمن تخويفَهما لطفلتهما والسخرية من خوفها وردِّ فعلها، وبعرض الأمر على المستشار النائب العام أمر بالتحقيق في الواقعة.

وتلقت النيابة العامة بيانَا من المجلس القومي للطفولة والأمومة يفيد تلقى خط نجدة الطفل يوم الثالث عشر من شهر سبتمبر الجاري بلاغًا عن نشر المتهمين مقطعًا مصوَّرًا بقناتهما الخاصة بموقع التواصل الاجتماعي Youtube؛ تضمن تخويفهما طفلتهما والسخرية من خوفها ورد فعلها؛ وذلك لرفع نسبة مشاهدة المقطع بقناتهما سعيًا إلى تحقيق الربح، وأنه سبق الشكوى منهما خلال عام ٢٠١٩ لتعريضهما طفلتهما للخطر واستغلالها للربح بمثل تلك المقاطع.

سبب ارتداء زينب الحجاب وقرار هام عن طفلتهما

تعليقات

لا يوجد تعليقات لهذا المقال ..
Coming Soon
هل يبتز ترامب السعودية بقضية خاشقجي من أجل التطبيع؟
هل يبتز ترامب السعودية بقضية خاشقجي من أجل التطبيع؟
هل يبتز ترامب السعودية بقضية خاشقجي من أجل التطبيع؟